ℕAMPI ⱾUNG LEMTHAK/ⱾIEMTHAK ꞪITIU

*_📃Article🖊:_*

*ℕAMPI ⱾUNG LEMTHAK/ⱾIEMTHAK ꞪITIU:*
_(ℑRANSFORMATION PART - I)_

ℕam khat transformation bawl ding tih hi aziek a zal um ngei ding ahi. Ziechu thilnuom them vang hilou ding ahi. Ahinla, gel veng venga paucham na tawh pang a, tupna giltak a, nam chauhna/ ahatloh na aziek azal hedawk a vision neitak a panlak na achun lampi kihawng duok duok mai loding maw.? Nam lemthak theih nading in, tehkhin na tihin kigen leh;

*_Pasal khat hin gam lientak sung ahin Theikung kibang tamtak aphut/aching a,theikung hawchu ahawih a, akung alien a, ahin ahawih a, anah atam a, anuoi lîm anuom a, agah atam a, ahut leh a veisie aumpuoi. Ahin alak a theikung khat chu asangsie mah mah mai a, akung le alien zopuoh a, agah le atamzo puoh a, agah sun sun chule aveisie a, ahut atam zaw a, nektheih ding atawm a, alim ding bangtak inle alimpuoi, anah apulh lo, akau lo um sun sun chule anuoilim umkhamlo, leh ahawihding bangtak a hawh zo lo, hawih dingin akisa sek a, hawihdawk tak tak seklo._*

Zie tehkhin thu genna apat hin adangte phazo lo theikung ding chun kikawih phawt in. Theikung chu ahung hawihdawk theih nading leh agah atam theih nading chu hawldawk ngai, akituokpih dingtak bawl ahim, piek ahim ngai tihna ahi. Zie guol mah chun, inam sung ule aki tuokpih dingtak tawh lemtuok (transform) ding tih ahi. Siemthak (transform) nading aziek azal hetthiem theih nading in zie bang hin kigen leh;

1). Sum le pai hawlna (Economic) buldet tak mumal umlo him him. Banglawh leng buldet a mumal taka umthei ding?

2). Masawnna (Development) banglam a le umlo, banglawh leng um or bangtia masawn sak theih ding?

3). Thiemzilna (Education) sum le pai hawl/neite chauh in zilding chauh dinmun a umta. Aneizolo (Destitute) te bangti zilsak thei ding?

4). Dân-bu(Custom) tamdeuh deuh, mahleh utdan dan a khawsa ziel ziel, bang lawh ding?

5). Khuo-tin hausa leh khuo mite kithu guol theilo, bangtia suktuok ding?

6). Tawt thanghuoi hin Sakhuo leh Nam asuk minsiet chauh hilo in, ngaihsam na khuk ah eipui lut. Bangti sukbei ding?

7). Taksa leh thagau ah thientho na namsung ah tasam mah mah. Bangti zilsak ding?

8). Diktatna, Tupna, Thuokhatna, Hansanna, Taimatna, Kuhkalna, Deihsakna. Ziehaw hi namsunga percent genkham ding umzo lo.Bangti tîl ding?

9). Nam puitute leh sapchuom lam puitute vision khata pan lakkhawm guot ding? Bangti leh pan lakkhawm theih ding?

10). Namsung ah meikhu lien lam lam bawhna alien a, thu-le-la kituikai lak deuh a vaihawmna umbek loin, bawngtawng tak taka vaihawmna aumsek ziek in, aching athiemte kisalah nuombek lo-in, akiselmang hiei hiei sek ui. Zie chu bangti lemtuok ding?

A chunga thupi haw leh a dang dangte Nampi khandawk nadinga pha leh deih um tamtak um ina. Zie haw chu mipi te hetthiem ding leh matthiem dinga kihilh na leh kitil thiem na apawimawh mah mah hi. Zie ding chun Nampi puih ding dan vision kitup taka nei, lemhe, mihangsan, mipil, mithiem, nampi saltan na apat puidawk thei ding nam in amamawh hi.

Nam hi tawm henla, tam lele, umzie neitak leh hihna kitup taka aum ngai ahi. Nam dangten abawl uleh agen cheng uh, gingchak a bawl zieng theih ahipuoi. Amau a dinga phachuom leh pawimawh le hithei ahi. Ahinla ei Nam a dingin aphachuomlo le ahithei hi. Ginchak a zuih malak sangin, alak ua le telloh ding ahi.

Khawvel a pilna/hetna/thiemna (Science & Technology) leh masawnna (Development) haw ahin mi akhangto mah mah hi tih ihe chiet ui. Scientist te sût dan in tha 24 cheng leh hetna hi aleh in apungzel hi tin agen ui. Zie thu hi guntak a ingaihtuoh veng veng leh, *Proverb 2:2-11 a agen  “PILNA/ HETTHIEMNA”* haw hi go selguk banga hawl lo deuh mah ihi ding um? Ahihlohleh, pilna thiemna sam-a, kihilh na aw suohlo deuh mah ihi ding um? Zie thu hawhi nam ngaihnat na lieu lieu a, ka liengko a kibang ahi tithei iumloh ziek uh ahim? U le Nau, Nu le Pate , tho tau tho tau,vaigei ziek in thil tampi kikhel sie thei ahi. (Tui kibuosa luok kit theih ahipuoi).

Zie khantoh na haw hi, Nam dang akhan leh ei Nam le khangtho nalo ding ahim.? Zie chu kinepna kham ating nadie? Adawnna chu tingzo loding ahi. Hetthiem nadingin kum 1800 C.E. vel in Europe gam ah Industrial Revolution thupi tak atung a. Adeih a ana sam a, ana hawl hatte leh a ngen hatte nam/gam akhang tul tul ua, a changkang ui, tutieng inle mâ asawn zung zung zing ui. Ana ngaihsak lo a, ana thupi gello techu tuchan in gamdangte kawm ah panpihna ngen zing dingin aum u’a. Nam/Gam khangto zolo ahizing maitau. Zieban ahin khat genbeh leng:

Christien Sakhuo North East a ahunglut masak na gam tawh alut nunung na gam le nam changkang dan kibanglo ahi. Zieziek chun, Nam lungsiet chauh hilo a, Nampi nasem tak tak dingin, pilna/ thiemna/hetna leh vision kituptak neite’n pan alak ahun ta a, kuondawk ahun tai. Nampi akhandawk loh a, lemthakna/ siemthakna (transformation) aum loh chun sakhuo leh thil dang dangah khang tak tak thei loding ahi.

Nampi lemthak/siemthak nading ahin Israyl* te chanchin leh thusim ahin zilding hawih tak tak, tamtak aum hi. Israyl te hin nam angainau a, akilungsiet ua, a nam masawn nading, hawih nading ahih phawt leh nam transformation ding alunglah puou a, nam adinga aphalo leh adeih umlo phawt chu ataih san zung zung mai ui. Namkhat kipanpih tuoh nading ahin bang hileh ît anei puou a, kei sangin amah khawsa thei zaw leh ti’n akideihsak ui. Nasep thilbawl nalam ah a taimau a akuhkal ua mahni angsung akhuol tûktûk puou, a anam chanpihte dingin chîpna lungthim anei puou.

*_Awle, tuni a Nam in taksa leh lungthim a, gimthei taka I thuok nateu haw ziekin lungkie leh thadah mailo in Nam, I Gam akhantoh zawk nading in kuhkal taka panlaknan mangzawi ti’u. Zie, lungthim leh taksa a gimthuokna I thuok u haw hih, danleh mite zah I hung hihna dinguh ahi zawi._*

_Nam a dinga naseppih uh,_

*Malsawm*
_Finance Secretary_
MPC Sub.HQ Zone-1

Dated:CCpur
_The 7th Nov. 2017_
===========================
_*Israyl= Hatchungnung Nam têl_

*II GangmiForum II*
*II GanggamNews II*