Recording hunbawl zelte het dinga kadeih- Pu C Lienzapau

From: Pu C. Lienzapau
(Gangte veteran singer)

AUDIO RECORDING HUN BAWL ZEL TE HET DINGA KA DEIH(Ka tuokhak)
Admin ten eina approved sak ham tiem u.
🌿🌿🌿🌿🌿🌿

Dated 6.12.2017 Nilaini:

Tulai khawvel thiemna sangzel ah insak inthang leh khuo leh veng khawvel tukvelh dak dawkguon ei Gangte cha tele malam pan din guol el in malam pandin pan ilau ui tih ka he a kipah um kasai. MPSC nuoiah leh sepaih lam hileh ma isawn det det ui tih ka hen.

Thahdo ten "Hlawmcha tuitah" atih guol un Lehkhasim tenle amina lehkhasim hilo a, igam inam ikhuo ivengte mat taka simdin ngetna le kahun nei hi. Chuleh tulai in centre nasâng-etsaknan: IAS, IPS, IRS etc.ahin Gangte min chuong hih kahe kha ta puon. Pu Ngulkham te Pu Kaisang te nung ahin centre nasâng mu hih kahe kha ta puon thawmhauh um kasai. Aleh kahet loh ziek ahi dem.?

Awle zielam chuh chanchun ngaphawt hi ting un. Tulai artist te kanatuok khak hungen ing ka, hetle hetan natin un:

Pu Mangkhuo kampau vak kiguk sak zuol leh, Thingtangpa nichenga lolam tihloh hetdang neilo, zing hungtho tapsaka vutlaka chil siet puk puk leh vut laka nap nita lungthusuonga khutchal zumtheihthuih a naptat zut zut thah chiehzel in Imphal a recording bawl din Him Studio hotel ah vawkthau gilmul vang hiela kahun nek chuh gimtheih aum ie, kazawi tawp.🤣 Zieban achun ahun lai khan khawlthak ahi a, 16 track ahi atiua, operator khah ABC le sim lo a pawlsawm pass tum tawbang khah ahi a, ziekchun part 3 khan a flop a part 4 ah thum le li vel chuh katelh kita.

Awle  recording ibawl hawu leh YouTube vela haw kana ngaitha seka pasal lam sang in numei lam hih ache fuh zawdeuh in ka hei. Recording ibawl tieng u'a hetding pha kasak chuh earphone ibila ahung kituoh tieng music ngainadeuh te chuh aw(voice) control ithiem lodeuh sek ui anuombek a ana ki over thei ahi. Keile kahi tho hi. Chuleh pasal lam hih bangti ahi, I awu hih awheu hilo tham thiel thuol gidawk zolo pump dawk zolo I um un kahen pan ilak uh angai hi.

Numei lam hi chuh neukhat akilek na-na chuh apha chiet ui 😄😄Lily (L) in ei kithuoh pih lai khan kilek deuh in sah kati a, amanle kagen khah eizawm phan ka hei. Hunlo phatlo in eina muolliem santan, Kei adin hetngilh ni um ta puona.

Awle sutdiklo leh kagending kilawmlo a umleh neihet thiem nau kahun ngen hi.

Nb:
An vahlo deuha nekleh phûl tak luota recording bawl loh ding tih kahun advice na ahi.
🍁🍃🍁🌾